Neville ngrit dyshimet se taktikat e Unitedit ndaj Chelseat, nuk ishin të Carrickut – por të Rangnick

Legjenda e Manchester United, Gary Neville kishte një teori konspirative rreth skuadrës kundër Chelseat, duke pretenduar se Michael Carrick nuk e zgjodhi atë.

Carrick gjithashtu e drejton Unitedin në bazë të përkohshme, pas shkarkimit të Ole Gunnar Solskjaer javën e kaluar dhe fitoi në Ligën e Kampionëve të martën e kaluar në ndeshjen e tij të parë në krye.

Aventura e ish-mesfushorit nuk pritet të zgjasë shumë, me Ralf Rangnick që pritet të marrë përsipër detyrën deri në fund të sezonit.

Lexo po ashtu Eskaloi debati për Ronaldon - Roy Keane dhe Jamie Carragher sa nuk goditën njëri-tjetrin me grushte

Me gjermanin ende duke pritur për lejen e tij të punës, Carrick mori sërish drejtimin të dielën, kundër Chelseat, dhe vendosi me guxim të heqë dorë nga Cristiano Ronaldo.

Neville përmes rrjeteve sociale ka pohuar se ai nuk mendonte se ish-bashkëlojtari i tij në të vërtetë zgjodhi ekipin dhe teoria e tij ishte se Rangnick ishte tashmë në krye.

Lexo po ashtu Carrick i zhgënjyer me barazimin ndaj Chelseat

Përveç largimit të Ronaldos, siç kishte bërë Solskjaer në fillim të këtij sezoni për ndeshjen kundër Evertonit, Carrick zgjodhi një mesfushë me tre lojtarë.

Me Scott McTominay, Fred dhe Nemanja Matic të gjithë nga fillimi, dukej se Djajtë e Kuq po përgatiteshin për një ndeshje të vështirë në Stamford Bridge.

Lexo po ashtu Tuchel i lumtur me pikën e fituar ndaj Manchester United

Besimi i Neville se Rangnick ishte në krye të taktikave u zbut në fillim të përballjes, pasi mysafirët kërkuan të dilnin përpara Bluve që presionin e kishin të madh, diçka që rrallë e kishin bërë nën Solskjaer.

Rangnick ka një reputacion si ‘kumbari i anti-presionit, sistemi që i sheh ekipet të udhëheqin mbi kundërshtarët.

Ai stil është zbatuar në mënyrë perfekte nga Jurgen Klopp, fillimisht në Gjermani me Borussia Dortmundin dhe tani në Angli me Liverpoolin. /Telegrafi/