Kryeministri izraelit, Benjamin Netanyahu ka folur sot për herë të parë rreth akuzave për gjenocid kundër Izraelit nga Afrika e Jugut.
Ai thotë se ishte dëshmitar i një “bote të përmbysur” ndërsa avokatët parashtruan provat e tyre në ditën e parë të seancës, duke akuzuar disa zyrtarë dhe komandantë izraelitë për “qëllim gjenocidal”.
Lideri izraelit pohon se po ashtu “duke luftuar terroristët”, Izraeli po “lufton edhe gënjeshtrat”.
“Hipokrizia e Afrikës së Jugut dëgjohet deri në qiell”, thotë ai dhe pyet se ku ishte vendi “kur miliona u vranë dhe u zhvendosën në Siri dhe Jemen nga partnerët e Hamasit”.
Kryeministri thotë se Izraeli do të vazhdojë të mbrohet “deri në fitore”, raporton skynews.
Ndryshe, Izraeli ka nisur një ofensivë në Rripin e Gazës pas sulmeve terroriste të 7 tetorit të militantëve të Hamasit në territoret izraelite. /Telegrafi/
