Të premten do të mblidhet kryesia e Kuvendit për të caktuar seancën parlamentare.
Kjo me kërkesën e kandidatit për kryeministër Albin Kurti, për votimin e përbërjes së Qeverisë së Republikës së Kosovës.
Edhe pse nuk janë dhënë detaje të tjera, sipas njoftimit për media, mbledhja do të mbahet nesër në orën 9:00 në sallën C 301.
“Kërkesa e kandidatit për Kryeministër, z. Albin Kurti, për thirrjen e seancës plenare të Kuvendit për votimin e përbërjes së Qeverisë së Republikës së Kosovës”, thuhet në njoftim.
Sipas afatit kushtetues, Albin Kurti kanë edhe pesë ditë për t’ia propozuar për votim Kuvendit kabinetin qeverisës.
E kreu i Lidhjes Demokratike të Kosovës, Isa Mustafa ka thënë se i mbetet Lëvizjes Vetëvendosje që të pranojë propozimin e LDK-së, për bashkëqeverisje. Mirëpo nëse koalicioni LVV-LDK nuk arrihet, ai ka thënë se nuk garanton që 28 deputetët e LDK-së do ta votojnë Qeverinë Kurti./Telegrafi/