Real Madridi do të përballet sonte nga ora 21:00 me Interin në rrethin e tretë të fazës së grupeve në Ligën e Kampionëve.
Los Blancos nuk dinë për fitore në këtë sezon të ri të garës më të madhe për klube në Evropë, pasi kanë marrë një humbje dhe një barazim.
Nga kjo formë e dobët, më i rrezikuari është trajneri Zinedine Zidane që mund të shkarkohet në rast se pëson disfatë përballë Nerazzurëve.
Sipas asaj që raporton Daily Mail, Florentino Perez po mendon që të shkarkojë strategun francez nëse nuk fiton sonte në shtëpi përballë Interit.
Nëse Zidane shkarkohet, atëherë sipas mediumit anglez, Mauricio Pochettino ose Raul Gonzalez mund të zënë vendin e tij.
Raul është duke punuar me të rinjtë e Real Madridit dhe mund të marrë drejtimin e skuadrës me një kontratë deri në fund të këtij sezoni.
Pochettino që kur u shkarkuar në fund të vitit të kaluar nga Tottenhami, është pa klub dhe mund të marrë drejtimin e klubit mbretëror. /Telegrafi/