Interi ishte shumë pranë fitores në Derby della Maddonina, por për vetëm tri minuta Milani bëri një rikthim sensacional duke fituar ndeshjen 1-2.
Ka qenë një ndeshje spektakolare dhe me një fund shumë të tensionuar si thuajse çdo derbi.
Theo Hernandez u përjashtua nga loja në minutën e 95-të pas një ndërhyrje të ashpër në mbrojtësin holandez të Interit, Denzel Dumfries.
Por, gjesti i francezit nuk i pëlqeu aspak Lautaro Martinezit, i cili në atë moment ndodhej në bankë dhe e ofendoi Theon derisa ky i fundit po shkonte drejt zhveshtores.
— ❤️🔥 (@bkmbp1) February 7, 2022
Me t’u kryer ndeshja Lautaro dhe Theo patën një përplasje të madhe mes vete, pasi argjentinasi ishte i indinjuar nga ndërhyrja e tmerrshme e francezit në Dumfries.
Megjithatë, u desh ndërhyrja e dy stafeve për të parandaluar një përplasje edhe më të madhe mes dy lojtarëve.
Edhe pse në atë moment kamerat televizive nuk e transmetuan përplasjen e dy yjeve, tani videot kanë dalë në rrjetet sociale dhe janë bërë virale. /Telegrafi/
Ma la Rissa Theo-Lautaro perché? pic.twitter.com/bBpp3pea5i
— boston (@lciae8) February 6, 2022