Nëntë majmunë janë vaksinuar kundër coronavirusit në kopshtin zoologjik të San Diego në Kaliforni.
Zyrtarët kanë thënë se katër orangutanë dhe pesë bonobo morën injeksione kundër COVID-19 në janar dhe shkurt.
Kjo erdhi pasi disa gorilla në kopshtin zoologjik u infektuan me virusin, me gjasë nga kontakti me një punëtor të kopshtit zoologjik i cili doli pozitiv për virusin.
Tre bonobo dhe një gorillë pritet gjithashtu të marrin vaksinën eksperimentale kundër COVID-19 për kafshët, sipas AP.
Kishte tetë gorilla të ultësirës perëndimore në Safari Park të kopshtit zoologjik që u infektuan me virusin në fillim të këtij viti, por gorillat janë rikuperuar, sipas kopshtit zoologjik të San Diego.
Siç thuhet më tej, një nga gorillat, Winston, i cili është më i vjetër, zhvilloi pneumoni dhe sëmundje të zemrës.
Kopshti zoologjik kishte njoftuar në janar se kishte siguruar një furnizim të kufizuar të “një vaksine” për kafshët mes shpërthimit COVID-19 midis gorillave. /Telegrafi/