Një shofer që ishte nën ndikim të lëndëve narkotike, është kapur nga kamerat e policisë duke lëvizur me shpejtësi prej 235 kilometra në orë në një autostradë në Britani të Madhe.
Adrian Osiecki, 30-vjeq, po voziste pa patentë shoferë dhe sigurim të veturës, kur përshkoi 21 milje për vetëm 12 minuta – duke lëvizur me një mesatare prej 170 kilometra në orë, transmeton Telegrafi.
Pamjet e publikuara më poshtë shfaqin Mercedesin e Osieckit duke bërë zig-zag nëpër autostradë, në përpjekje për të shmangur policët që i ishin vënë pas.
Por ndjekjes së tij i erdhi fundi kur në rrethojën e një rreth-rrotullimi u përplas, e nga kjo përplasje për fat të mirë nuk është lënduar askush.
Megjithatë pasi u shfaqën policët britanikë gjetën kanabis dhe lloje tjera të drogës që i kishte konsumuar brenda mjetit.
Ai është dënuar me 18 muaj burgim, si dhe i është konfiskuar patentë shoferë dhe si rezultat i kësaj i ndalohet ngasja për 40 muaj. /Telegrafi/
