Një 35-vjeçar është qëlluar me armë gjatë një plaçkitje në Manhattan gjatë orëve të vona të dielës, duke e detyruar të dorëzojë zinxhirin që kushton 65.000 dollarë, e pamjet e kamerave të sigurisë të këtij momenti rrëqethës janë publikuar nga policia e New Yorkut.
Viktima u sulmua nën kërcënimin e armës, i cili i afrohet nga pas derisa viktima po ecte në trotuar në rrugën Kips Bay, transmeton Telegrafi.
Kamerat e sigurisë shfaqin viktimën e tmerruar nga frika që bën të pamundurën t’i shpëtoj më të keqes, pavarësisht që sulmuesi i kërkonte zinxhirin – që sipas policisë bëhet fjalë për zinxhirë të arit prej 18 karatëve dhe një orë të shtrenjtë.
Policia gjithashtu ka bërë të ditur se ai është qëlluar me armë, e me të dalë në vendin e ngjarjes, patrulla e parë e policisë e kanë dërguar me urgjencë në spital për trajtim.
Deri më tani nuk është arrestuar askush lidhur me këtë sulm, kurse policia ka publikuar pamjet me qëllim që dikush mund ta njoh sulmuesin dhe të jap informacione që ndihmojnë në kapjen e tij. /Telegrafi/
