Njësia e hetimeve rajonale në Mitrovicë në orët e paradites së sotme ka realizuar një urdhër kontroll në një shtëpi dhe objekte përcjellëse, me ç’rast, ka rezultuar me gjetjen e një arme.
Urdhër kontrolli është realizuar mbi dyshimet e arsyeshme të bazuara, se në shtëpinë e të dyshuarit D. B. 24 vjeçar, dyshohej për posedim të armës.
Gjatë kontrollit Policia brenda hapësirave të shtëpisë ka gjetur dhe ka konfiskuar një armë pistoletë, për të cilën personi i dyshuar nuk posedonte leje përkatëse.
Personi i dyshuar pas procedurave intervistuese është liruar në procedurë të rregullt.
Ndaj të dyshuarit është iniciuar procedurë për vepër penale ‘mbajtje në pronësi, kontroll, posedim i paautorizuar i armës’. /Telegrafi/