Ai duket njësoj si ish-presidenti i Amerikës, por në fakt është Jose Oliveira dhe jeton në veriperëndim të Afrikës.
43-vjeçari ka tërhequr vëmendjen e të gjithëve për ngjashmërinë e jashtëzakonshme me Barack Obama, ndaj njerëzit shpesh e ndalojnë për të bërë foto me të.
“Që kur Barack Obama u bë president, më kanë ndaluar njerëz që më thonin se i ngjaj kështu që kam kaluar 10 vite të jetës me këtë nofkë. Disa njerëz më pyesin nëse jam vëllai i tij,” ka thënë ai për Telegraph, duke shtuar se edhe njerëzit që takon prej punës ia thonë të njëjtën gjë.
Jose është baba i tre fëmijëve dhe ka rrëfyer se bën të paktën 15 foto çdo ditë me njerëzit dhe ndihet mirë për këtë gjë pasi presidenti është njeri shumë i mirë.
Ai tregoi se nuk ka qenë asnjëherë qëllimi i tij që të vishet apo të duket si Obama, por vetë njerëzit kanë arritur ta shohin si sozi të tij.
