Kosova sot (e mërkurë), feston 13-vjetorin e Pavarësisë së Kosovës.
Me këtë rast, shumë nga artistët dhe figurat me nam ndërkombëtar kanë uruar shqiptarët e Kosovës për këtë ditë të veçantë.
Ndërkohë, kjo është një ditë e shënuar për të publikuar projekte muzikore edhe për ata që realizojnë këngë me motive patriotike.
I tillë është rasti i këngëtarit Ilir Shaqiri dhe këngëtares Rina Ramadani.
Dyshja në fjalë kanë vendosur që si dhuratë për publikun në 13-vjetorin e Pavarësisë së Kosovës, të publikojnë këngën e tyre më të re me titull “Kosovë lule në çdo plagë”.
Teksti dhe muzika janë realizuar nga Avni Qahili, ndërsa për orkestrimin është kujdesur Ebrar Mazhar.
Kënga është vizualizuar edhe me një klip, i cili vë në pah peisazhet dhe lokacionet më unike të territorit shqiptar. /Telegrafi/
