Vrasja e ish-anëtarit të Babastars, Albert Krasniqit, që ndodhi javën e kaluar ka tronditur mbarë popullin shqiptar e më së shumti ata që e njohën nga afër.
Reagimet e të famshmëve deri më tani kanë qenë të shumta, ndërsa një të tillë së fundmi e ka bërë edhe këngëtarja Teuta Selimi.
Kjo e fundit, e cila duket se kishte raporte të mira me të ndjerin, ka shprehur ngushëllimet ditën e sotme (e martë) përmes një postimi krah tij të ndarë në InstaStory.
“Pusho i qetë Albert shoku im”, ka shkruar ajo krahas imazhit.
Alberti ndërkohë u vra të mërkurën në rrugën “Ndue Përlleshi” në Prishtinë, kurse i dyshuari lidhur me rastin është babai i tij, Skënder Krasniqi.
Të pandehurit S.K po ashtu gjykata ia caktoi masën e paraburgimit në kohëzgjatje prej një muaji.
Krahas si pjesë e labelit Babastars, Alberti ka qenë i martuar prej vitesh me ish-Miss Kosovën, Besa Gashin. /Telegrafi/