Në ndeshjen e 100-të, Ronaldo ia fiton tri pikë Juventusit ndaj Genoas

Juventusi ka arritur të marrë tri pikë me lehtësi në kuadër të javës së 11-të në Serie A, pas fitores 3-1 në udhëtim te Genoa.

Pjesa e parë kishte shanset e veta, mirëpo asnjë nga skuadrat nuk arriti t’i shfrytëzonte ato për të tundur rrjetën.

Mirëpo, 45 minutat e dytë ishin me intensitet më të lartë, e që u shënuan plotë tri gola.

Zonja e Vjetër kaloi fillimisht në epërsi me anë të Paulo Dybalas që shënoi në minutën e 57-të nga një asistim i Wenston McKennie.

Por, Genoa nuk u ndal dhe i barazoi shifrat në 1-1 me anë të Stefano Sturaros (61′), që u asistua nga Luca Pellegrini.

Lexo po ashtu Ronaldo shënon dy herë në ndeshjen e 100-të me fanellën e Juves

Edhe një herë, Cristiano Ronaldo doli të jetë shpëtimtari i Biankonervë, pasi shënoi nga penalltia në minutën e 78-të, e që për të ishte paraqitja e 100-të te kampioni në fuqi.

Ylli portugez nuk u ndal me kaq dhe shënoi edhe një herë nga penalltia në minutën e 88-të, duke vulosur fitoren e Zonjës së Vjetër.

Pas javës së 11-të, Juventusi gjendet në vendin e katërt me 23 pikë, derisa në xhiron e 12-të do të kenë punë me Atalantan. /Telegrafi/

https://twitter.com/fanofsuspension/status/1338195429935243268