Reperja Gjira Kajtazi ndodhet në muajt e fundit të shtatzënisë.
Teksa po shijon një prej periudhave më të veçanta të jetës, ajo nuk po heziton që të ndajë me ndjekësit disa nga momentet e bukura që po përjeton.
Ajo pritet që të sjellë në jetë fëmijën e saj të parë gjatë muajit prill, teksa kilogramët që ka shtuar deri më tani janë të shumtë.
Në një fotografi të publikuar së fundmi në rrjetin social Instagram, Gjira shfaqet duke pozuar pranë veturës së saj, ndërsa vë në pah barkun e saj të rrumbullakosur.
“80 kilogramë dhe pothuajse prill”, ka shkruar reperja në mbishkrimin e fotografisë, duke bërë të ditur sa entuziaste ndjehet për muajt e fundit të shtatzënisë.
Përndryshe, javë më parë Kajtazi ka sjell këngën e re “Aua” me të cilën shënoi rikthimin e saj, dhe u prit shumë mirë nga fansat. /Telegrafi/
