Kevin De Bruyne i është dhënë licenca e trajnerit UEFA A, vetëm disa ditë pasi u kurorëzua si lojtari i sezonit në Ligën Premier.
Belgu 30-vjeçar, i cili ndihmoi Manchester Cityn për titullin e katërt të Ligës Premier në pesë vjet këtë sezon, shënoi 15 gola dhe tetë asistime në karrierën e tij gjatë sezonit 2021/22.
Dhe ndërsa ai po bënte magji në mesfushë, De Bruyne ishte gjithashtu i zënë me studimet për distinktivin e dytë më të lartë të trajnerit të UEFA-s, si në Belgjikë ashtu edhe në akademinë e Manchester City.
Lojtari po merrej me seanca stërvitore me grupmosha të ndryshme në akademinë e Cityt, sipas The Daily Mail.
Dhe ajo përvojë jetike e stërvitjes me ekipet e të rinjve, duke përfshirë U16, kontribuoi në marrjen e licencës së tij të trajnerit.
Në një intervistë me mediumin belg HLN, mesfushori tha se ndonjëherë mund të duhen orë për të përgatitur një seancë. “Është çmenduri”.
Por ish-lojtari i Chelseat ka ambicie për të përcjellë filozofinë e Pep Guardiolës te brezat e ardhshëm pasi të ketë përmbyllur karrierën si lojtar.
“Kur keni punuar me një njeri si Guardiola, ju e shikoni këtë sport në një mënyrë krejtësisht të ndryshme”, potencoi ai përmes The Mirror vitin e kaluar.
“Kjo është arsyeja pse nuk po i them më jo stërvitjes. Kam filluar një kurs trajneri dhe i përgatis të gjitha mësimet që më thonë të bëj”.
“Në të njëjtën kohë, më duhet të pranoj se ka shumë gjëra që më pëlqejnë edhe larg futbollit”, ka shtuar më tej ai.
De Bruyne nuk është i vetmi reprezentues belg që ka kaluar provimin për t’u licencuar me UEFA A.
Në total, nëntë lojtarë u kualifikuan së fundmi – Youri Tielemans , Jan Vertonghen, Axel Witsel, Leandro Trossard, Dedryck Boyata, Dennis Praet, Dries Mertens, Simon Mignolet dhe Matz Sels. /Telegrafi/
Kevin De Bruyne has attained his UEFA A coaching license. He’s now eligible to coach any youth team and also be an assistant coach of any European Club👌👌💪 pic.twitter.com/Y03eK4jJeM
— Egyir P. Kwamena🇬🇭⚽️🏟🥅 (@kwamena_eg) May 31, 2022