Lideri i radikalëve serb, Vojisllav Sheshel, vetëm përmes fotografive dhe zërit mundi të ishte i pranishëm në veri të Mitrovicës.
Ai të martën nuk erdhi në Kosovë edhe pse e kishte paralajmëruar një gjë të tillë.
Nëpërmjet audio mesazhit kryeradikali nga Beogradi, tha se politikanët e Kosovës dhe Serbisë, bashkëpunuan fort që atij mos t’ia lejojnë hyrjen në territorin kosovar, njofton Klan Kosova.
Gjithë këto që i tha i saposhpalluri i pafajshëm nga Tribunali i Hagës, zgjuan kureshtjen e rreth 5o adhurueseve të radikalëve si dhe ushtarëve të KFOR-it, të cilëve iu përkthye mesazhi nga Beogradi.
