Kida e ka paralajmëruar duetin e ri muzikor, të cilin do ta sjellë në bashkëpunim me reperin Samra.
Kënga e re do të kompletohet edhe nga ana vizuale, ndërsa kjo ishte konfirmuar edhe me publikimin e disa fragmenteve të videoklipit.
“Lila” është titulli i projektit të ri muzikor që do të lansohet sonte (e enjte) në ora 23:59, para hyrjes në ditën e premten.
Krahas videos së shpërndarë në Instagram, Kida e ka publikuar edhe një tjetër postim paralajmërues të shoqëruar me disa fotografi.
Ndryshe, “Drunk” është realizimi më fundit muzikor i këngëtares i lansuar në muajin dhjetor, videoklipi i të cilit është shikuar mbi 20 milionë herë në YouTube. /Telegrafi/