Këngëtarja Zanfina Ismaili e ka cekur shumë herë dashurinë e saj të madhe që ka për kafshët.
Jo më kot, ajo mbanë plot tre të tilla në banesën e saj, dy mace dhe një qen.
Ditët e nxehta të verës duket se janë të mundimshme jo vetëm për këngëtaren, por edhe për kafshët shtëpiake të saj.
Mirëpo vet fakti që kafshët e saj kanë përkujdesje, Zanfinës menjëherë i ka shkuar mendja tek ato kafshë të cilat gjenden në rrugë, dhe detyrohen të durojnë temperatura të larta, si ditët e sotme.
Ndaj, për këtë gjë ajo ka reaguar me një shkrim në InstaStory, duke u bërë thirrje të gjithë ndjekësve të saj, që në këto ditë të nxehta, së paku të nxjerrin pak ujë përjashta, për kafshët që ndodhen jashtë.
Sipas saj pak nga të gjithë, do të ndihmonte shumë për ta. Menjëherë pas këtij postimi asaj i kanë vërshuar komentet në InstaStory, ku edhe më pas është shprehur përmes një shkrimi tjetër se ndjehet e lumtur kur sheh që ka ende humanitet. /Telegrafi/
