Një polic jashtë detyre që shërben në departamentin e policisë së Nju Jorkut, ka qëlluar një burrë që nën kërcënimin e armës tentoi t’ia vjedhë veturën në Brooklyn në orët e para të mëngjesit të së enjtes.
Pamjet e kamerave të sigurisë që i ka siguruar Daily Mail, shfaqin zyrtarin policor duke u larguar nga parkingu me veturë, transmeton Telegrafi.
E drejtori i policisë në Nju Jork, Rodney Harrison, ka thënë se një 28-vjeçar i është afruar policit që ishte në rroba civile brenda Mercedesit të bardhë, duke ia drejtuar revolen para dritares së shoferit.
Në video shihet polici duke ndalur veturën në skaj të rrugës, nga e cila del pa u menduar dy herë për t’u ballafaquar me hajnin që ia drejton revolen.
Sipas departamentit të policisë së Nju Jorkut, hajni hap zjarr në drejtim të policit, i cili reagon menjëherë duke ia kthyer me të njëjtën monedhë.
Si rezultat i kësaj polici e qëllon disa herë hajnin në gjoks dhe kraharor. Me të mbërritur në vendin e ngjarjes policia ka dërguar me urgjencë në spital hajnin i cili është në gjendje kritike. /Telegrafi/
