Moderatorja shumë e dashur për publikun, Bora Zemani në fund të këtij viti të suksesshëm për të, ka qenë e ftuar në “S’e luan Topi”.
Ajo tregoi mes emocionesh se si e ka takuar për herë të parë Donaldin dhe se si e kuptoi që në fillim se do ishin për njëri tjetrin.
“Ne nuk jemi njohur në televizion, kemi qenë të ftuar në një koncert recital. Atje u pamë dhe u morëm vesh me njëri tjetrin. Sytë tanë duhet ta kërkoni njëri tjetrin. Sytë e Donaldit më goditën që në momentin e parë. E dija që njëri nga binjakët ishte i lidhur, kur pash Donaldin, i thash ishalla nuk është ky i lidhuri. Dhe kur e mora vesh u çlirova”, u shpreh ajo.
“Donaldi i ka marrë hapat i pari, por ishte qartë gjëja që në fillim. E ruanim njëri tjetrin me sy, filluan mesazhet derisa u takuam që takoheshim për pak dhe shkonte biseda deri në orët e para të mëngjesit. Humori ka qenë gjëja e parë që na ka lidhur shumë me njëri tjetrin. Qeshja aq shumë me mesazhet. Unë nuk dija emrat e çunave. Isha me shoqet e mia të ngushta, njëra gjeti emrin e Donaldit dhe shkon te storyt dhe thotë ‘ky është e gjeta’. Un i them do dali emri im. Më çon screenshot që i kisha parë storyn, tha më në fund të gjeta. Ky ishte mesazhi i parë, pastaj filloi komunikimi”, tha mes tjerash Borana.
Moderatori i “Më lër të flas” i propozoi Borës martesë më 12 dhjetor gjatë premierës së filmit “5 Herë Jo”.
Ata janë bashkë prej shumë vitesh, ndonëse raporti i tyre ka pasur disa herë ulje e ngritje.
E njëjta ndan një djalë nga martesa e saj e mëparshme me Vin Velin. /Telegrafi/
