Në katër komunat veriore Mitrovicë e veriut, Leposaviq, Zubin Potok dhe Zveçan është duke vazhduar procesi i votimit.
Sipas të dhënave të Komisionit Qendror të Zgjedhjeve, deri në orën 11:00 në komunën e Leposaviqit kanë votuar 28 votues (0.21%), në komunën e Zubin Potokut 65 votues (1%), në Zveçan 29 votues (0.41%) dhe në Mitrovicën e Veriut 191 votues (1.05%).
Gazetarja e Telegrafit, Elfije Boletini raporton nga tereni se në fshatrat Sibovc dhe Grabovc të komunës së Zveçanit nuk ka asnjë votues deri tani, dhe se në lista nuk ka asnjë shqiptar.
Në këto dy fshatra numri i qytetarëve me të drejtë vote është 702.
Procesi i votimit deri tani ka shkuar në mënyrë të rregullt dhe pa ndonjë pengesë.
Të drejtë vote kanë 45 mijë e 95 votues. /Telegrafi/
