Një grua që nisi një fushatë kundër fotografimit nën fundet e grave ka thënë se “ia dolën” pasi legjislacioni u miratua për ta bërë atë një krim në Angli dhe Uells.
Sipas mediave të huaja, përcjell Telegrafi, legjislacioni i ri, i miratuar në Dhomën e Lordëve dhe tani vetëm duke pritur formalitetin e pëlqimit mbretëror, do të shohë shkelësit të dënohen deri në dy vjet burg.
Ndryshe, siç thuhet tutje, fotografimi nën fund është mbuluar nga legjislacioni në Skoci që nga viti 2010.
Duke folur pas miratimit të projektligjit, Gina Martin, 26 vjeç, tha: “Tetëmbëdhjetë muaj më parë isha e fotografuar nën fund në një festival muzikor dhe vendosa që nuk do ta harroja këtë”.
“Unë isha e lodhur nga ‘injorimi i kësaj çështje’, ndjeva se kjo ishte e gabuar dhe isha e befasuar kur mësova se nuk ishte një shkelje seksuale”. /Telegrafi/