Këngëtarja shqiptare me famë botërore, Bebe Rexha, ka qenë e ftuar së fundmi në një nga emisionet më të veçanta për “Glamour”.
Ajo ka ndjekur ‘cover’-at e realizuar nga fansat e saj, ku është mahnitur me versionin në të cilin ata kanë interpretuar këngët e saj.
“I’m a mess”, “Say my name”, “In the name of love”, “Last Hurrah” dhe “Baby, I;m Jealous” janë vetëm disa nga këngët më të famshme të saj, të cilat ajo i pa me sytë e saj teksa interpretohet nga fansat e muzikës sësaj.
Teksa komplimentonte dhe theksonte vlerat e secilit prej tyre, Bebe Rexhës i bëri përshtypje një fans nga Jordania, i quajtur Abdullah Ghannam.
Ai kishte realizuar ‘cover’ këngën e saj të famshme “Say my name” me tarabuka, gjë që i ka pëlqyer shumë artistes shqiptare.
Në momentin që ajo dëgjoi këtë ‘cover’, 31-vjeçarja filloi të kërcejë pasi ky interpretim i ngjallte mallin e dasmave shqiptare.
“Opaa, op, o pop”, dëgjohet Bebe Rexha duke thënë përgjatë videos, teksa hap krahët dhe vallëzon në stilin tradicional.
“Është sikur stil shqiptar, unë jam shqiptare dhe në bëjmë dasma të tipi ‘Opa, op op’. Ne Ne kemi daulle të mëdha që i quajmë ‘lodra’ dhe luajmë në daulle të mëdha, kështu që e pëlqeva këtë, ishte vërtetë interesante. Ishte vërtet ndryshe dhe unë e pëlqeva këtë”, thotë artistja me rrënjë shqiptare përgjatë videos.
Më pas ajo falënderon fansin e saj jordan, që i solli një frymë të tillë këngës së saj me tarabuka.
“Abdullah, ishte e mrekullueshme, do të doja të shihja më shumë ‘cover’ të realizuar në këtë mënyrë, është vërtet argëtuese, më ktheu ‘në shtëpi’ për një moment”, u shpreh Bebe Rexha.
Më pas, artistja komplimentoi edhe plot artistë të tjerë të rinj për versionet e veçanta që i sollën gjatë interpretimit të këngëve të saj. /Telegrafi/
