Mbrëmë (e martë) është shënuar një rekord i ri për numrin e goditjeve të penalltive në Kupën e Ligës në Angli e njohur si Carabao Cup dhe lojtarët e Preston North End kanë krijuar bujë duke eliminuar Fulhamin me rezultat të përgjithshëm 16-15.
Fulham mbërriti në Deepdale si favorit dhe anëtar i rangut elitar të futbollit anglez, por nuk kaloi mirë atje. Preston kaloi në avantazh me anë të Ryan Ledson në minutën e 35-të, por që Reiss Nelson i riktheu gjërat në rrugën e duhur në minutën e 61-të.
Rezultati ka qëndruar aktiv deri në fund të lojës, ndaj ka nisur gjuajtja e penalltive. Në atë kohë, askush nuk e kishte idenë se ndeshja do të zgjaste gjatë deri në ‘mesnatë’.
Ajo që pasoi ishte një rekord absolut në Kupën e Ligës Angleze dhe pasi u ekzekutuan plotë 34 penallti të pabesueshme. U qëlluan 17 seri, dhe në fund Preston bëri një befasi dhe e eliminoi Fulhamin nga Carabao Cup.
This is what football is all about
✅ 16-15 on penalties
✅ Fulham miss 9th pen
✅ Preston GK gives it large
✅ Preston miss 9th pen to win
✅ Fulham score 10th pen & “shhh” GK
✅ Goalkeeper’s then take pens 🚀
✅ Pen goes in off the back of GK’s head
✅ Big underdog upset… pic.twitter.com/Rf0NMQNxKz— The Editor (@FPLEditor) September 17, 2024
Në serinë e nëntë, dukej se penalltitë po mbaronin sepse Jorge Cuenca humbi për Fulhamin, por në anën tjetër ishte i pasaktë edhe Kaine Kesler-Hayden, ndaj drama vazhdoi.
Vetëm në serinë e 17-të, Timothy Castagne humbet për Fulhamin dhe Ryan Ledson shënoi për fitoren e madhe të Preston me rezultatin 16-15 në penallti dhe kalimin në 1/16 e Kupës së Ligës apo Carbao Cup.
Rekordin e mëparshëm e mbante një ndeshje nga sezoni 2014/2015, kur Liverpooli mposhti skuadrën e Middlesbrough me rezultat 14-13. /Telegrafi/
