Krahu ushtarak i Hamasit publikoi një video të një prej anëtarëve të saj duke dalë nga një tunel për të vendosur eksploziv në një tank izraelit.
Në pamjet e filmuara shihet një luftëtar që del nga një bosht i ngushtë i tunelit ndërsa një tjetër po i jep eksplozivin.
Pas kësaj, luftëtari i afrohet tankut, vendos eksplozivin dhe e aktivizon atë ndërsa vrapon sërish për të hyrë në tunel. Në distancë dëgjohet një shpërthim.
In a matter of seconds, Hamas fighter gets out of the tunnel, plants an explosive on IDF Merkava Mk3 tank and runs back into the tunnel. pic.twitter.com/sNqEoZwLZa
— Clash Report (@clashreport) December 30, 2023
Është interesante se tanku nuk shoqërohej nga këmbësoria, kështu që ekuipazhi ndoshta nuk ishte në dijeni të rrezikut në të cilin ndodheshin.
Izraeli deri më tani ka pranuar se ka humbur 172 ushtarë në përleshjet në Rripin e Gazës, duke përfshirë dy vdekjet e të cilëve u raportuan të dielën.
Deri më tani, më shumë se 20 mijë palestinezë, kryesisht civilë, gra dhe fëmijë, janë vrarë në sulmet e Izraelit ndërsa mbi 1200 izraelitë kanë vdekur që nga 7 tetori. /Telegrafi/