Sipas një studimi të fundit të përgatitur nga Greenpeace, brenda vitit 2050, rreth 45 për qind e njerëzve mund të arrijnë autonominë energjetike në Bashkimin Europian.
Pra, në harkun e tre dekadave të ardhshme, sipas greenpeace, thuajse gjysma e qytetarëve europianë do të jenë në gjendje të prodhojnë vetë energjinë, duke mbuluar kështu 50 për qind të kërkesës.
Sipas organizatës, kjo gjë pritet të vijë falë rritjes eksponenciale të burimeve energjetike të rinovueshme. Deri në vitin 2030, një në pesë qytetarë europianë mund të jetë autonom sa i përket energjisë.
Mes vendeve të ndryshme të Europës patjetër që ka , dhe do të ketë edhe në të ardhmen, diferenca të theksuara. Në vend të parë, sa i përket prodhimit autonom të energjisë nëpërmjet burimeve të rinovueshme qëndron pikërisht Suedia.
Në vitin 2050, tregon studimi, 79 për qind e qytetarëve suedezë mund të mbulojnë vetë kërkesën e tyre për energji. Letonia ndërkohë njeh rritjen më të madhe, dhe projektohet që kjo normë të arrijë deri në 83 për qind. /Telegrafi/