Këngëtarja e njohur shqiptare, Leonora Jakupi, ka qenë e ftuar këtë javë në emisionin “Shiko kush luan”.
Mes lojërave të ndryshme që ka zhvilluar, këngëtarja me prejardhje nga Drenica është ftuar edhe të interpretojë live diçka me orkestër.
Dhe mund të tingëllojë e çuditshme, por ajo ka zgjedhur që në këtë emision të interpretojë një këngë të rivales së saj të dikurshme, Adelina Ismaili.
Bëhet fjalë për këngën “Sajzeza”, të cilën Ismaili e interpreton në bashkëpunim me rock-grupin, Elita 5.
Leonora ka publikuar në InstaStory një pjesë të promos së spektaklit, ku shfaqet edhe momenti kur ajo interpreton live një pjesë të këngës “Sajzeza”.
Për shumë kë mund të duket e çuditshme kjo zgjedhje, pasi Adelina dhe Leonora kanë një rivalitet ndër dekadash.
Në vitet e pas-luftës ato kanë qenë të përfshira në një rrahje që ndodhi prapa kamerave të ekranit, dhe që kurrë nuk ia zgjatën dorën njëra-tjetrës për t’u pajtuar. /Telegrafi/
