Presidenti i UFC-së, Dana White, ka kërkuar falje pasi ishte publikuar një video, në të cilën ai kishte përleshje fizike me bashkëshorten gjatë pushimeve në Meksikë.
Videoja që u publikua nga TMZ Sports e shfaqte çiftin duke u përleshur në një klub nate të mbushur gjatë natës së Vitit të Ri duke nxitur ndërhyrjen e të tjerëve për t’i qetësuar.
Gruaja e tij, Anne, shihet e para që e godet, teksa më pas 53-vjeçari ia kthen me disa shuplaka.
Dana White slapping his wife up in a night club🤯 pic.twitter.com/CAJXX1kCB7
— Full Combat (@fullcombatoff) January 3, 2023
“Më kenë dëgjuar të kem thënë ndër vite se kurrë nuk ka arsyetim që një mashkull të vë dorë mbi një femër dhe tash ja ku jam unë duke folur për këtë gjë”
“Gruaja ime dhe unë jemi të martuar për afro 30 vite, e njohim njëri-tjetrin që nga mosha 12 vjeçare dhe është e qartë se kemi kaluar shumë gjëra bashkë. Kemi tre fëmijë dhe kjo është një nga ato situatat e tmerrshme”.
“Jam i turpëruar, por në të njëjtën kohë është nga ato situata, në të cilat jemi të shqetësuar më shumë për fëmijët tanë. Prej se doli videoja, ua kemi treguar fëmijëve dhe jemi më të fokusuar te familja aktualisht”.
“Njerëzit do të jenë mendime lidhur me këtë dhe shumica e atyre opinioneve do të jetë të drejta, sidomos në rastin tim. Kurrë nuk duhet të ngresh dorë mbi një femër”, ka deklaruar Dana White për TMZ Sports.
This is the Dana White video in question for those who missed it. Pick an athlete, owner or coach in ANY other sport that could be caught on video slapping their wife and it just kinda goes away. pic.twitter.com/wwyw6M7Q2P
— Andreas Hale (@AndreasHale) January 3, 2023
Ai ka thënë tutje se kishte pirë atë natë, megjithëse këtë nuk e konsideron si një arsyetim, ndërsa ka theksuar se tashmë janë pajtuar me bashkëshorten pasi i kanë kërkuar falje njëri-tjetrit.
“Ka ndodhur, nuk e di pse ndodhi, unë dhe gruaja ime i kemi kërkuar falje njëri-tjetrit dhe u kemi kërkuar falje fëmijëve tanë. Ky ishte fillimi dhe fundi, dhe ne jemi ende me pushime. Kishim pirë shumë dhe çfarëdo që ndodhi atë natë ndodhi, por kaq ishte dhe ka marrë fund”, ka shtuar White. /Telegrafi/