Policia e Kosovës ka raportuar një rast në Kamenicë, ku një person me qëllim të pastrimit të një are të tij ka ndezur një zjarr të cilin nuk ka mundur ta kontrolloj, e më pas zjarri ka përfshirë edhe rreth 1 hektar mal.
Rasti ka ndodhur në fshatin Dajkovc të Kamenicës, të hënën në orën 12:30.
“I dyshuari mashkull kosovar me qëllim të pastrimit të një are të tij ka ndezur një zjarr të cilin nuk ka mundur ta kontrolloj e me pas zjarri ka përfshirë edhe rreth 1 hektar mal pronë e ankuesit mashkull kosovar.
I dyshuari gjatë tentimit për ta fikur zjarrin ka pësuar djegieje sipërfaqësore në dorë për të cilat ka pranuar trajtim mjekësor”, thuhet në raport.
Lidhur me rastin është konsultuar prokurori i shtetit i cili ka rekomanduar që rasti të procedohet në procedurë të rregullt. /Telegrafi/