Llapi dhe Gjilani barazuar me rezultat 1-1 në derbin e javës së parë të zhvilluar në stadiumin “Zahir Pajaziti” të Podujevës.
Dy skuadrat edhe pse krijuan, pjesën e parë të ndeshjen e mbyllën pa gola dhe kjo edhe fal portierit të Gjilanit, Kenan Haxhihamza, që bëri disa pritje fantastike.
Me të filluar pjesa e dytë, Gjilani arriti ta gjejë golin me Oltion Bilallin, i cili në minutën e 50-të shënoi me kokë për 1-0 pas asistimit të Edi Basa.
Pas golit, Gjilani ka mundur ta shtojë epërsinë në dy raste, por shënuesi i golit, Bilalli, nuk u tregua serioz para porte.
Në minutat e fundit, Llapi futi të gjithë artilerinë e rëndë sulmuese dhe kjo u shpërblye.
Zhvillohej minuta e 88-të, kur nga një harkim nga këndi me kokë shënoi Ahmed Januzi për 1-1.
Blend Baftiu dhe Bilalli në kohën shtesë ka mundur t’ia sjell fitoret skuadrave të tyre, por të dy gjuajtjet shkuan mbi portë.
Në xhiron e parë, Llapi dhe Gjilani ndanë pikët pas një loje të bukur dhe me raste. /Telegrafi/