Arbër Zeneli po e konfirmon formën e mirë në ndeshjet miqësore që po i zhvillon pas pandemisë dhe lëndimit të rëndë që kishte.
Ylli kosovar arriti të shënojë edhe sot në miqësoren e Reims ndaj Rouen që skuadra e tij e fitoi 3-0.
Zeneli e shënoi golin e fundit të ndeshjes, ndërsa ishte inkuadruar në lojë në minutën e 45-të.
Në dy ndeshje e fundit, Zeneli ka shënuar dy gola dhe ka dhuruar një asistim.
Forma e lartë e tij gëzon Kosovën që në shtator grumbullohet për herë të parë pas pandemisë.
Për Reimsin nuk u paraqit fare Valon Berisha që ditë më parë ka nënshkruar me këtë klub. /Telegrafi/