Mbrëmja e djeshme solli një moment të veçantë për banorët e Big Brother VIP Kosova.
Vëllai i Madh i surprizoi ata duke u mundësuar shikimin live të ndeshjes mes Shqipërisë dhe Çekisë, një përballje që kishte tërhequr vëmendjen e shumë shqiptarëve.
Banorët u mblodhën para ekranit për të ndjekur lojën, duke reaguar me entuziazëm ndaj aksioneve dhe momenteve të tensionuara gjatë ndeshjes.
Atmosfera ishte e gjallë, me disa prej tyre që shfaqën një interes të madh dhe mbështetje të zjarrtë për ekipin kombëtar.
Megjithatë, jo të gjithë banorët arritën të qëndronin zgjuar deri në fund.
Kamera e shtëpisë kapte momente komike dhe të papritura, ku Lela dhe Burimi shiheshin duke fjetur në mes të ndeshjes.
Pavarësisht kësaj, surpriza e Vëllait të Madh u vlerësua nga banorët, të cilët patën një mundësi të rrallë për të dalë nga rutina e përditshme dhe për të ndier emocionet e futbollit në një mbrëmje të veçantë. /Telegrafi/
