Ka ndërruar jetë kompozitori i njohur, Fahri Beqiri.
Lajmin për vdekjen e tij e ka bërë të ditur muzikanti Ylber Asllanaj në një postim në rrjetin social Facebook.
Ai ka ndarë një fotografi të të ndjerit, duke shtuar kështu edhe një përshkrim prekës për të.
“Pusho në paqe prof.Fahri Do të të kujtojmë me respekt e dashuri për aq sa të jemi edhe ne”, ka shkruar ai në postim.
Beqiri konsiderohej të ishte një nga kompozitorët më të rëndësishëm gjatë kohës së Jugosllavisë.
Ai shkroi kompozime për orkestër simfonike, kor, piano, klarinetë, kuintet frymore, teatër filmi dhe muzikë baleti, muzikë popullore dhe shumë pjesë për fëmijë.
Kompozimet e tij u interpretuan nga muzikantë të shquar, përfshirë Milenko Stefanoviç, Ernest Ačkun, Miodrag Azanjac dhe Zorica Dimitrijević-Stošić. /Telegrafi/