Fëmija 13-vjeçar që ishte alivanosur në pishinën e Gërmisë këtë të shtunë, ka vdekur në QKUK.
Rasti është konfirmuar doktoresha e Klinikës Emergjente Nerxhivane Halimi.
Pas ndihmës së parë, 13 vjeçari ishte dërguar në Qendrën Klinike Universitare, për tretman të mëtejmë mjekësor, por ka ndërruar jetë rreth orës 16:00.
Sipas mjekëve që është raportuar sot gjatë ditës, ai në ambulancë ishte dërguar pa shenja jete dhe pa puls, por që kishin arritur t’ia rikthejnë pulsin.
Kryeshefja e Ndërmarrjes Publike “Sport Marketing”, Mirlinda Sopi Krasniqi, ka thënë se fëmijës i ka rënë të fiktë si pasojë e temperaturave të larta, duke u rrezuar në platon e pishinës.
Sipas familjarëve, fëmija po ashtu kishte probleme shëndetësore dhe se para disa ditëve kishte pasur ndërhyrje në zemër.
Ndërkaq, me rastin tashmë është duke u marrë mjekësia ligjore. /Telegrafi/