Është ndërprerë ndërtimi i hekurudhës nga Manastiri drejt kufirit Maqedoni – Greqi, projekt ky i financuar nga IPA fondet e BE-së, transmeton Telegrafi Maqedoni.
Të puënsuarit e firmave vendore kanë protestuar, të revoltuar që konzorciumi i zgjedhur me tender publik, nuk u ka paguar asnjë denarë për punën e bërë, që nga dhjetori i vitit të kaluar.
Borxhi ndaj tyre është rreth 1 milion euro, kurse punimet janë ndërprerë pasi që nuk është plotësuar premtimi i firmës, për t’ua dhënë paratë, më së voni deri më 28 gusht.
Bartës i projektit është Ministria për transport dhe lidhje, kurse janë miratuar rreth 20 milion euro nga IPA fodet e BE-së. Punimet kanë filluar më 15 janar, kurse duhej të përfundojnë para një muaj. Projekti zbatohet nga tre firma bullgare dhe një firmë maqedonase./Telegrafi/