Derisa mediat po spekulojnë vazhdimisht për të ardhmen e tij, Cristiano Ronaldo është duke i shijuar pushimet me familjen.
Superylli portugez është duke pushuar në Greqi me të dashurën Georgina Rodriguez dhe fëmijët.
Pasi e përfundoi pjesëmarrjen në Kampionatin Botëror (kur Portugalia u eliminua nga Uruguai), CR7 u nis për pushime, para se të fillojnë përgatitjet parasezonale.
Natyrisht se pushimet e çiftit janë luksoze, ndërsa në disa fotografi të publikuara në rrjetet sociale, ata kanë pozuar në një anije.
Pos një poze intime të çiftit, ata kanë pozuar edhe me djalin e madh të Ronaldos, Cristiano Jr.
Ka vetëm disa muaj prej se Georgina ka sjellë në jetë vajzën Alana Martina, ndërsa ajo ka arritur që t’i rikthejë format trupore.
Kujtojmë që Ronaldo u bë baba për herë të parë në qershor të vitit 2010 kur lindi Cristiano Jr. përmes një nëne surrogate, ndërsa po ashtu edhe binjakët Eva Maria dhe Mateo kanë lindur përmes një nëne surrogate (në qershor 2017). /Telegrafi/