Forcat policore e kanë ndaluar një grup prej tetë personave, që po bënin piknik në një park në Derbyshire, në kohën kur në Britani të Madhe është dhënë urdhri për të qëndruar në shtëpi, në përpjekje të ndalimit të përhapjes së coronavirusit.
Mësohet se ata kanë udhëtuar disa kilometra nga Manchester, Sheffield dhe Ipswich që të takohen së bashku në atë park për piknik, ku kishin marrë edhe nargjile si dhe shumë ushqime, transmeton Telegrafi.
Nëpërmjet imazhit ku ata shihen së bashku, policia po kërkon që të mos bëhen veprime të tilla, ndërsa është kërkuar që të gjithë të praktikojnë distancën sociale.
Ata i janë bindur pa ndonjë rezistencë kërkesës së policisë që të shpërndahen, ndërsa janë nisur që të kthehen në shtëpitë e tyre.
Britania e Madhe është duke u përballur me përhapjen e coronavirusit, ndaj ka mbyllur shumë parqe dhe zona që shfrytëzohen për shëtitje, në përpjekje që t’i ndalojë grumbullimet e njerëzve. /Telegrafi/
