Nani i kishte kërkuar falje Cristiano Ronaldos edhe pse ai ishte nervozuar më shumë me gjyqtarin në golin e shënuar kundër Spanjës në vitin 2010.
CR7 e kishte kaluar Gerard Piquen në mënyrë maestrale, për të lëshuar një goditje edhe më perfekte se lëvizjet e tij.
Topi kishte fluturuar mbi kokën e Ike Casillasit, por derisa po shkonte në rrjetë, Nani ishte futur aty dhe e kishte goditur me kokë atë, duke qenë në pozitë jashtë loje.
“Jo, mendoj se Cristiano ishte i nervozuar me gjyqtarin” Të gjithë e kuptuan gabim, pasi topi ishte futur brenda kornizës dhe ai gaboi”, ka thënë portugezi.
“Imagjinojeni topi mos të ishte futur dhe unë të shkoja ta godisja me kokë, sërish nuk do të ishte në pozicion jashtë loje, shikoni videot”.
“Por, unë nuk kisha asnjë qëllim që të merrja golin pre tij. I kam thënë atij që më vinte keq, pasi ishte një gol i bukur”.
“Për fat të mirë ai gol nuk i nevojitet atij, pasi gjatë karrierë ka shënuar shumë gola të tjerë të bukur”, ka shtuar më tej Nani.
Ronaldo shihej në video shumë i nervozuar për shkak të golit të anuluar, pasi mendonte se Nani nuk duhej të prekte topin fare. /Telegrafi/