Tenisti spanjoll, Rafael Nadal dhe bashkëshortja e tij, Maria Francisca Perello, janë në pritje të fëmijës së parë.
Lajmin e ka konfirmuar revista spanjolle, Hola, duke shpërndarë fotografi ekskluzive të çiftit në udhëtimit e tyre në Mallorca.
Në fotografitë, në të cilat Maria shfaqet me kostum larjeje, i shihet barku i fryrë duke i konfirmuar kështu thashethemet që qarkullojnë tash e një kohë.
EXCLUSIVA: Rafa Nadal y Mery Perelló esperan su primer hijo: las imágenes que revelan su embarazo 🤰🏻 https://t.co/NwCu9ldWyt pic.twitter.com/pIjt2djwK3
— Revista ¡HOLA! (@hola) June 15, 2022
Spekulimet kishin nisur gjatë turneut të Roland Garros, kur Nadal e forcoi veten në listën e tenistëve me 14 trofe në Roland Garros dhe 22 tituj Grand Slam.
Derisa ai kishte shkruar historinë, vëmendja ishte te bashkëshortja e tij 33 vjeçare që kishte ndryshuar stil duke nisur të vishte kombinime komode dhe të relaksuara, pulovra të gjera e fustane.
Çifti nuk e ka komentuar ende lajmin e lumtur që në përputhje me privatësinë që të dy preferojnë.
Nadal dhe Maria u takuan në vitin 2005 kur tenisti ishte vetëm 18 vjeçar dhe që atëherë janë të pandarë. /Telegrafi/