Nacho Fernandez është duke menduar seriozisht që të largohet nga Real Madridi gjatë afatit kalimtar të verës.
Mbrojtësi spanjoll nuk është i lumtur me trajtimin që po i bëhet nga madrilenët, andaj po kërkon një aventurë të re.
Kthehemi në muajin mars, atëherë kur Roma shfaqi interesim për Nachon, gjersa në verë mund të kompletohet transferimi, raporton Marca.
29-vjeçari ka bërë 188 paraqitje në skuadrën e parë të Real Madridit, ndërsa në këtë sezon më shumë ka qëndruar në bankën rezervë.
Skuadra spanjolle ka paguar 50 milionë euro për transferimin e Eder Militaos nga Porto, duke bërë me dije se Nacho nuk ka vend në Santiago Bernabeu. /Telegrafi/