Automjeti ikonë, Mustang, për herë të parë është në dispozicion edhe në tregun evropian.
Nga kompania Ford tashmë janë publikuar edhe çmimet fillestare për dy modelet e Mustang.
Në kontinentin tonë, automjeti do të shitet në dy modele, për dallim nga Amerika ku janë tre versione.
Në Evropë do të shitet versioni EcoBoost dhe modeli me motor 5 l V8, njofton Telegrafi.
Motori më i dobët, EcoBoost 2.3 l me turbo-mbushës, zhvillon 314 KF dhe 433 Nm, ndërsa modeli me motor 5 l ofron 412 KF.
Modeli i parë do të kushtojë 34.000 euro, derisa ai me motorin më të fuqishëm kushton 39.000 euro. Modeli më i shtrenjtë është pa kulm, çmimi i të cilit do të arrijë deri në 43.000 euro. /Telegrafi/
