Kryetari i dorëhequr i Lidhjes Demokratike të Kosovës, Isa Mustafa ka thënë se asnjë kryetar i degëve nuk ka dhënë dorëheqje.
Mustafa para mediave ka thënë se vetëm ai ka dhënë dorëheqje nga pozita e tij, transmeton Telegrafi.
“Nuk ka dorëheqje të kryetarëve. Është vetëm dorëheqja ime, pasi që të kryhet kuvendi të zgjidhet kryetari i ri, pastaj bëhen ndryshime në Këshillin e Përgjithshëm varësisht rekomandimeve që jep kryetari i ri. LDK vazhdon në mënyrë normale të punojë, të bëjë organizimet e nevojshme. Nuk ka dorëheqje të kryetarëve të degëve”, tha ai para mediave.
Sa i përket rezultateve të zgjedhjeve, Mustafa tha se asnjëherë nuk e kanë menduar një rezultat të tillë për LDK-në.
“LDK ka arsye ta ruaj programin dhe ta ruaj trashëgimin e vet, do të rikthehet edhe më fuqishëm në të ardhmen. Nuk kemi bërë keq qe e kemi prishë koalicionin me Vetëvendosjen, e pagjumë çmimin me vota sesa të paguajmë çmimin me partnerët strategjik. Votat tona kanë shkuar në VV”, potencoi ai.
Mustafa tha se VV e ka shancën tani të tregojë se si do të qeverisë. /Telegrafi/