Kryetari Lidhjes Demokratike të Kosovës, Isa Mustafa ka reaguar pas arrestimit të Jakup Krasniqit.
Mustafa ka thënë se n, transmeton Telegrafi.
“Në Kosovë nuk po i iket ballafaqimit me drejtësinë dhe zbardhjen e së vërtetës për luftën e pastër çlirimtare. Besojmë thellë në pafajësinë e luftëtarëve UÇK-së, sikurse edhe në pafajësinë e z. Krasniqi, ashtu siç vlerësojmë meritat e tyre për lirinë dhe pavarësinë e vendit dhe të ndërtimit demokratik të Kosovës”, ka shkruar ai në Facebook.
Mustafa ka thënë se “duhet të kemi besim në drejtësinë e pavarur por njëherit presim se do të respektohen procedura të standardeve më të larta përfshirë edhe respektimin dinjitetit të njerëzve ndaj të cilëve ngriten procedurat nga Gjykata Speciale”.
Ndryshe, ish-zëdhënësi i Ushtrisë Çlirimtare të Kosovës, Jakup Krasniqi është arrestuar sot nga hetuesit e Speciales.
Avokati i Krasniqit ka bërë të ditur se ata kanë bastisur shtëpinë e tij për rreth dhjetë orë, dhe me pas kanë arrestuar atë. /Telegrafi/
