Vedat Muriqi, ka shënuar 5 gola në 9 ndeshje me Fenerbahçen, deri më tani duke e ndihmuar klubin të jetë në garë për titull.
Shqiptari nga Prizreni thotë se atij po i jepet rëndësi e veçantë nga ekipet kundërshtare, duke e markuar nga fillimi në fund.
“Sulmuesi vlerësohet me gola dhe unë po shënojë, por fitorja e skuadrës është më e rëndësishme se golat e mi. Unë luaj me futbollistë shumë të talentuar rreth meje. Ata kontribuojnë në për mua është një avantazh. Ekipi vazhdimisht sulmon. Jo vetëm për mua, por sa më shumë mbështetje të marrë sulmuesi, aq më shumë gola do të shënojë”, ka thënë Muriqi.
Ai ka thënë se kundërshtarët marrin masa të veçanta ndaj tij, duke e markuar fuqishëm.
“Kundërshtarët mua ma vështirësojnë punën duke u mbrojtur fort në qendër. Për mua ka masa të veçanta. Kundërshtarët kur luajnë kundër Fenerbahces janë më të motivuar. Dhe unë e di veten time. Kur luaja në Rize, ndeshja ndaj Fenerbahces na bënte me të motivuar”.
“I tillë është ‘Kadikoy’, një motiv shtesë për secilin lojtar, që luan para kësaj audience”.
“Që nga dita e parë tifozët tanë më kanë përqafuar dhe besojnë shumë në mua. Unë do të vazhdoj ta shpërblej këtë besim”, ka thënë Muriqi. /Telegrafi/