Luis Muriel ka treguar se çfarë i bëri më shumë përshtypje te Real Madridi pasi Atalanta u eliminua nga Liga e Kampionëve.
La Dea arriti në 1/8 e finales së garës më të madhe në Evropë për klube, mirëpo mbrëmë u eliminua nga Los Blancos.
Karim Benzema, Sergio Ramos dhe Marco Asensio, shënuan për madrilenët, derisa Atalanta u ngushëllua me golin e vetëm të realizuar nga Luis Muriel.
“Ne e pranuam atë gol të hershëm me një gabim dhe me të vërtetë goditi besimin tonë”, ka thënë pas ndeshjes Muriel për Sky Sport Italia.
“Është për të ardhur keq, sepse ne dhamë dy gola me gabimet tona dhe kjo me të vërtetë na e rrëzoi velat nga era”.
“Ajo që më bëri më shumë përshtypje ishte presioni që ata përdornin tek ne dhe gjithashtu qetësia që kishin kur luanin, e cila ishte e jashtëzakonshme duke marrë parasysh se ky është një klub që kishte shumë për të humbur dhe do të haste shumë telashe nëse eliminoheshin. Më bëri përshtypje”.
Tani Atalanta mund të përqendrohet në Serie A dhe për një vend në Ligën e Kampionëve.
“Ne po rritemi si një klub dhe duam të vazhdojmë të rritemi. Këto lojëra do të na ndihmojnë ne lojtarët dhe Atalantan si një klub për t’u zhvilluar”.
“Ky ishte objektivi ynë, të luajmë mirë në Ligën e Kampionëve dhe të përpiqemi të shkojmë sa më larg të jetë e mundur”, ka shtuar ai më tej. /Telegrafi/