Shihni se si t’i përshtatni më mirë muret jeshile me enterierin tuaj!
Jo vetëm që krijon freski dhe “qetëson” sytë, ngjyra jeshile shkon shumë me tekstura të shumta dhe ngjyra të tjera.
Jeshilja thekson rregullsinë, pastërtinë dhe për këtë arsye konsiderohet ideale për zonën ku qarkullimi i njerëzve është më i madh dhe për hapësirën ku largohen gjërat.
Disenjatorët e enterierit vendosën të dëshmojnë gjatë vitit 2023 se sa jeshilja në të gjitha nuancat e saj është e përshtatshme për t’u shijuar, sa ndikon pozitivisht te ne psikologjikisht.
Pra, çfarëdo nuance të jeshiles të zgjidhni, nuk do të gaboni, transmeton Telegrafi.
Një nuancë e thellë dhe disi më e errët, si jeshile smeraldi, na lidh me natyrën, siguron një dozë paqeje në hapësirë dhe për këtë arsye rekomandohet për dhomën e gjumit.
Mjafton vetëm të lyeni murin kryesor në dhomën e gjumit dhe do të sillni freski të re. Të tjerat mund të jenë të bardha ose mund t’i dekoroni (por jo të dominojnë) më tej me tapeta muri.
Nuanca e errët, jeshile e errët rekomandohet për ambientet e biznesit por edhe për korridorin brenda shtëpisë sepse i jep njëfarë serioziteti dhe rregullimi hapësirës.
Gjithashtu, një ngjyrë jeshile e butë, më saktë ngjyra e nenexhikut, e njohur prej vitesh, përshtatet në mënyrë të përkryer me banjën. /Telegrafi/