KB Prishtina duket se ka marrë seriozisht sezonin e ri, kjo pasi në pozitën e trajnerit e ka emëruar Murat Bilge, i cili ka qenë edhe më herët pjesë e kryeqytetasve.
“Mirë se erdhe MB”, thuhet shkurt në postimin e klubit prishtinas, krahas një fotografie të postuar.
Ndryshe, Bilge ka drejtuar Prishtinën në vitin 2022, duke fituar Superkupën e Kosovës me bardhekaltërit.
Në edicionin e kaluar, trajneri turk kishte punuar si ndihmëstrajner te ekipi i Runa Moscow në Superligën e Rusisë.
Prishtina nuk e ka fituar titullin e kampionit tash e pesë vite, ku Ylli, Peja dhe Trepça kanë fituar këto vite. /Telegrafi/