Mungesat e fuqisë punëtore në Shqipëri sa vijnë e po shtohen në të gjitha qytetet, sidomos në fushën e turizmit, por jo vetëm aty pasi mungesa të theksuara duket se ka edhe në sektorin e bujqësisë apo ekonomisë.
Për këtë arsye Shqipëria do të duhet të punësojë çobanë, muratorë dhe bujq nga Nepali, Sri Lanka dhe India. Mungesa e klasës punëtore është një nga problemet kryesore që haset vendi ynë, sidomos në këtë periudhë ku sezoni veror është duke nisur.
Kryesisht mungesa ka në fushën e bujqësisë, pasi në fshatra pothuajse të gjithë të rinjtë kanë emigruar jashtë vendit për një punë më të mirë dhe një rrogë më të mirë për të jetuar. Në fshatra kanë mbetur vetëm banorë të moshës së tretë, të cilët nuk i përgjigjen dot punëve që duhen, raporton Euronews Albania.
Sipas ekspertes së punësimit Kumrie Zika, po synohet që punonjësit nga jashtë t’i sjellin familjarisht që të mos arratisen nga Shqipëria drejt vendeve të BE-së. /Telegrafi/