Profesori universitar, Ferid Muhiq, në një intervistë për Deutsche Welle, ka folur rreth kritikave në adresë tij dhe situatës politike në Maqedoni, përcjell Telegrafi Maqedoni.
Në pyetjen se në vitet e kaluara ai nuk ka qenë aktiv në opinion për të ngritur zërin kundër devijimeve të pushtetit, Muhiq është përgjigjur:
‘Unë jam i kënaqur që dëgjoj se disa janë shqetësuar se mos kam fjetur në vitet e mëparshme, edhe më shumë se kam humbur ku ata, unanimisht e ngritën zërin kundër devijimeve të pushtetit. Megjithatë, ata duhet të kuptojnë se asnjë qeveri nuk bie nga ngritja e zërit. Qeveria korrigjohet ose ndërrohet me punë konkrete. Përndryshe, unë pranoj – gjithçka që kam punuar deri më tani, është lënë jashtë radarit të politikës ditore.
Muhiq shkaktoi reagime nëpër rrjetet sociale dhe mediume pasi u bë e njohur se ai do të jetë në listat e kandidatëve të LSDM-së, ku tha se reagimet janë si ‘mëlmesë’ e komenteve pozitive që i merr vazhdimisht. /Telegrafi/