Ylli i Shakhtar Donetsk, Mykhaylo Mudryk me sa duket ka rënë dakord për kushtet personale për një lëvizje te Arsenali.
Reprezentuesi ukrainas është i dëshpëruar për t’u larguar nga Shakhtar dhe ka vendosur synimin e tij te Topçinjtë , kryesuesi i tabelës në Ligën Premier.
Sipas Diario Sport, kushtet personale nuk janë çështje për marrëveshjen, pasi Mudryk është i kënaqur me pagën që do të merrte nëse do t’i bashkohej Arsenalit.
Megjithatë, çështja është se klubi londinez nuk mund të negociojë një tarifë me Shakhtar për momentin.
Klubi ukrainas refuzoi një ofertë fillestare prej 60 milionë euro, pasi ata po kërkojnë një tarifë që është gati dyfishi i asaj shume.
Arsenali shpreson se mund të negociojë pakësimin e tarifës, por nëse ka një ngërç, transferimi mund të duhet të presë deri në verë. /Telegrafi/